Chairwoman blong Siokate Panguna Mine Landowners Association, Theresa Jaintong itok ol landowner i hamamas stret long tokorait blong Autonomous Bougainville Gavman long givim BCL wanpla 5-yiar Exloration Licence bihainim law.
Na Mrs Jaintong itok, bihain long olgeta wokpainim i pinis, em bai gutpla sapos Gavman i oraitim Bougainville Copper Limited yet iwokim mining operesen long wanem ol pipol blong Bougainville yet igat share pinis long BCL longshare blong ABG gavman blong ol.
Em itok Bougainville i nidim displa gold na copper mine i open back gen long wanem em bai helpim gut tru ol politikol wakabaut blong Bougainville long independence.
Theresa Jaintong imekim displa toktok taim mipla askim tingting blong ol landowners long displa anaunsmen we ABG President ibin tokaut longen long las Friday.